നടന് സിദ്ദീഖിന്റെ മകന് ഷഹീന് സിദ്ദീഖ് വിവാഹിതനാകുന്നു. ഡോക്ടര് അമൃത ദാസിനെയാണ് ഷഹീന് വിവാഹം കഴിക്കുന്നത്. കഴിഞ്ഞ ഫെബ്രുവരി 22ന് നടന്ന വിവാഹനിശ്ചയത്തിന്റെ ചിത്രങ്ങള് ഷഹീന് തന്നെയാണ് സമൂഹമാധ്യമങ്ങളിലൂടെ പങ്കുവച്ചത്.
ഇരുവരുടെയും വിവാഹ നിശ്ചയത്തിന്റെ ചിത്രങ്ങള് സോഷ്യല് മീഡിയയില് വൈറലായി കഴിഞ്ഞു. മോതിരം അണിയിക്കുന്നതിന്റേയും അതിന് ശേഷമുള്ള ഫോട്ടോ ഷൂട്ടിന്റെ ചിത്രങ്ങളും ഇതിനകം വൈറലായി മാറിക്കഴിഞ്ഞു.
ഒരേ നിറത്തിലുള്ള വസ്ത്രങ്ങളണിഞ്ഞ് അതീവ സന്തോഷത്തോടെയാണ് ഷഹീനും അമൃതയും ചിത്രങ്ങള്ക്ക് പോസ് ചെയ്തത്.
സലീം അഹമ്മദ് സംവിധാനം ചെയ്ത ചിത്രം പത്തേമ്മാരിയിലൂടെയാണ് ഷഹീന് അഭിനയരംഗത്തെത്തുന്നത്. കസബ, ടേക്ക് ഓഫ്, ഒരു കുട്ടനാടന് വ്ളോഗ്, വിജയ് സൂപ്പറും പൗര്ണമിയും തുടങ്ങി നിരവധി ചിത്രങ്ങളില് അഭിനയിച്ചു.
അമ്പലമുക്കിലെ വിശേഷങ്ങള് എന്ന സിനിമയാണ് ഷഹീന് സിദ്ദീഖിന്റെ അവസാനം റിലീസ് ചെയ്ത ചിത്രം.
Discussion about this post