ആര്എല്വി രാമകൃഷ്ണനെതിരെ കലാമണ്ഡലം സത്യഭാമ നടത്തിയ അധിക്ഷേപത്തില് പ്രതികരിച്ച് ബിജെപി വക്താവ് സന്ദീപ് വാചസ്പതി.
സത്യഭാമയെ പോലെയുള്ള വിഷ ജന്തുക്കളെ മുക്കാലിയില് കെട്ടി പുറം അടിച്ച് പൊളിച്ച് കാന്താരി അരച്ച് തേച്ചാല് മാത്രമേ ഈ അസുഖം മാറൂവെന്ന് ആണ് സന്ദീപ് വാചസ്പതി പറഞ്ഞത്.
ഫെയ്സ്ബുക്കിലൂടെ ആണ് അദ്ദേഹം പ്രതികരിച്ച് വന്നത്. പോസ്റ്റിന്റെ പൂര്ണ്ണരൂപം-
സ്വന്തം കഴിവിനോ, പ്രയത്നത്തിനോ യാതൊരു പങ്കും ഇല്ലാത്ത ജാതി, നിറം ഇവയിലൊക്കെ അഭിരമിക്കുന്ന മനുഷ്യര് ഇപ്പോഴും ഉണ്ടെന്നത് അമ്പരപ്പിക്കുന്നതാണ്.
ഒരാളുടെ തൊലിയുടെ നിറം യോഗ്യതയോ അയോഗ്യതയോ ആയി മാറും എന്ന ചിന്ത നല്ല പെട കിട്ടാത്തതിന്റെ അസുഖമാണ്. മുക്കാലിയില് കെട്ടി പുറം അടിച്ച് പൊളിച്ച് കാന്താരി അരച്ച് തേച്ചാല് മാത്രമേ ഈ അസുഖം മാറൂ.
തൊലി വെളുത്തിരിക്കുന്നത് എന്തോ മഹത്വമാണ് എന്ന് ചിന്തിക്കുന്ന ഇവരെ പോലെയുള്ള വിഷ ജന്തുക്കളെ സാമൂഹ്യ വിലക്ക് പ്രഖ്യാപിച്ച് അകറ്റി നിറുത്താന് എല്ലാവരും തയ്യാറാകണം.
ഡോ. ആര്.എല്.വി രാമകൃഷ്ണന്റെ പ്രകടനത്തില് കലാപരമായ പോരായ്മ ഉണ്ടെങ്കില് അത് ചൂണ്ടിക്കാണിക്കാം. അതല്ല പുരുഷന്മാര് മോഹിനിയാട്ടം അവതരിപ്പിക്കുന്നതാണ് ഇവരുടെ പ്രശ്നം എങ്കില് അതാണ് പറയേണ്ടത്. അല്ലാതെ അയാളെ വംശീയമായും ജാതീയമായും അധിക്ഷേപിക്കുന്നത് ശുദ്ധ തെമ്മാടിത്തമാണ്.
രാമകൃഷ്ണനെ ഹൃദയപൂര്വ്വം ചേര്ത്ത് നിര്ത്തുന്നു.
……….
ഒരാഴ്ച മുന്പ് മലപ്പുറത്ത് വിദേശ കളിക്കാരന് ഏറ്റ വംശീയ അധിക്ഷേപവും കേരളത്തില് ആയിരുന്നു എന്നതും മറക്കരുത്.
Discussion about this post